អំពីខ្ញុំ

សួស្តីសុភាពបុរស​ សុភាពនារីដែលចូលចិត្តអានប្លុកទាំងអស់គ្នា! សូមណែនាំខ្លួនបន្តិចសិនណា។

      ខ្ញុំឈ្មោះ ស៊ីវ រតនា ធ្លាប់ជានិស្សិតស្រីម្នាក់ដែលបានបញ្ចប់បរិញ្ញាប័ត្រ ផ្នែកតុបតែងលម្អនៃស្ថាបត្យកម្ម ដែលជាភាសាអង់គ្លេសហៅថា Interior Design នៅសាកលវិទ្យាល័យភូមិន្ទវិចិត្រសិល្បៈ កាលពីខែតុលា ឆ្នាំ២០១៩ ហើយបច្ចុប្បន្ននេះ ខ្ញុំកំពុងតែធ្វើការនៅក្រុមហ៊ុនធ្វើគ្រឿងសង្ហារឹមមួយកន្លែង។ អ្នកទាំងអស់គ្នាប្រាកដជាស្គាល់ពីជំនាញមួយនេះហើយមែនអត់? ព្រោះថា នៅប្រទេសកម្ពុជាយើងគឺកំពុងតែចាប់ផ្តើមពេញនិយម ប៉ុន្តែអាចនិយាយបានថានៅមិនទាន់រីកចម្រើនខ្លាំងនៅឡើយ។ ទោះជាយ៉ាងណា ក្រោយពីបានសិក្សានៅសាលារចនានេះមក ខ្ញុំកាន់តែស្រឡាញ់ ចូលចិត្ត និងចង់យល់ដឹងបន្ថែមពីសិល្បៈខ្មែរផងដែរ។​ ចំណែកឯក្តីស្រម៉ៃរបស់ខ្ញុំ នៅថ្ងៃណាមួយ ខ្ញុំនឹងអាចបង្តើតស្នាដៃផ្សេងៗដែលមានរួមបញ្ចូលទម្រង់សិល្បៈខ្មែរនៅលើវិស័យតុបតែងលម្អនេះដើម្បីធ្វើជាអាតូមអភិវឌ្ឍន៍សិល្បៈ និងសង្គម។ ជាសរុបមក ខ្ញុំមកកាន់ទីនេះក្នុងគោលបំណងអាចចែករំលែកដល់អ្នកទាំងអស់គ្នានូវអ្វីដែលខ្ញុំបានស្វែងរកដែលនិយាយពីផ្នែកណាមួយនៃសិល្បៈខ្មែរមានដូចជាចម្លាក់​ គំនូរ របាំ និងអ្វីផ្សេងទៀតជាច្រើន... ហើយសង្ឃឹមថា អ្នកទាំងអស់គ្នាចូលចិត្តអាន​ និងគាំទ្រអត្ថបទរបស់ខ្ញុំផងណា។ ប្រហែលទីនេះ ក៏ជាកន្លែងដែលខ្ញុំអាចចាប់ផ្តើមក្តីស្រម៉ៃ ជាមួយអ្នកទាំងអស់គ្នាផងក៏មិនដឹង។

      សូមមេត្តារងចាំបន្តិចណា! ខ្ញុំសន្យានឹងត្រឡប់មកវិញក្នុងពេលឆាប់ៗនេះ។